انتـــي فرحـــى

انتي كل شي...انتي فرحي وزهاي.... وجرحي ودواي......
وضحكتي وابكاي....بلاك نا اللي عايش وماني حي....انتي كل شي
انتي كل ما نملك انتي حياتي....
وحرثي وارضي ونباتي....
وعندي الدنيا كلها....
بطيورها وبحورها وبرورها....وبألحانها و الوانها واحزانها...
وبخيرها وبشرها.....وبحلوها وبمرها....
تفنى ولا زولك ايهون علي...
منك عرفت الآه والشوق والحنين....وانتي دواي وجرحي الدفين...
وانتي ابكاي وانتي العين....
وانتي صفوي وصحوي وغفوي....وانتي دلالي....
وانتي ملامح صورتك في بالي....
ما تنتسي لو كنت نا النسيان...ولا نحرمك من غايتك لو كنت نا الحرمان...
القيت غرامك حلو ادمنته ادمان....مع الدم يجري في اعروق ايدي....
انتي كل شي...
انتي كل ما نبيه تبقي قسمي.....وانتي كل نقطة تملكي في جسمي...
قابيتني ننسى جميع عذابي وين ما تبتسمي....
يا اسمى معاني الود والاخلاص....يااجمل شعور ايفيض بالاحساس....
يا قلب صافي....يا حضن دافي.....يا صوت خافي...
ما يسمعه غيري بشر م الناس....
انتي افكاري....وانتي ليلي ونهاري.....
وقمة نجاحي...وانتي اترابي وموطني واسلاحي...
انتي روح في روحي سكنتي....وانتي العمر اللي يبي ايجي....
انتي كل شي....
انتي عيوني....وانتي قمر في ليل ضوى كوني....مهما ايحاولو الحساد ما اينسوني....
غرامك ما ننسى وروحي في....انتي كل شي....